نخش بموضوعنا ماعليكم بهالزلابه اللي فوق

نخش بموضوعنا ماعليكم بهالزلابه اللي فوق
قدرالله علي يوم كنت بزر في يوم من الايام وانا رايح للبقاله والقى ذيك البسه ( القطه ذيك اللي تقول ميوو) وكنا بوقت المغرب
وآخذ هذيك الحصاه ( الحجر) وأنتفها بهاااااا وتطير بالسماء وتوقع وتزبن<,,أجل بتجلس تسولف معك
وأكمل طريقي وكن شي ماصار وأغني إغنية القطار وفاتنا حقت راشد الماجد < ماعليكم رومنسي
الزبده والمهم والاهم يوم وصلت للبقاله واشتري منها وارجع ابي البيت
طبعا بيتنا الاول كان في حاره شعبيه قديمه أكثر بيوتها مهجوره <,,,,مدري شيحسونبه هلي يوم كنا هناك
ويوم كنت بطريقي للبيت وامر مع شارع مظلم مافيه احد شوي إلين هالحصاه (الحجر) جت تمشي ميتين وتوقع وراي
مدري من وين جايه ولا ادري من وين طلعت
من الخوف سويت نفسي شجاع ولاهمني وامشي واكمل طريقي وانا الخوف راج بطني
واعثر بحفره كانت بالزفلت <,,, ماش اكل دراهم ع الفاضي هالشركات ياخذون الفلوس ويردمونها ببطونهم خخخ
ويوم عثرت واقوم ابي اكمل طريقي للبيت شوي الين هالحصاه (الحجر) الثانيه بين رجلي وانقز ذيك النقزه الله لايوريكم قرطب ظهري منها ههههههههه
ورررررررررررررررر غباري وراي وينك يالبيت بلاشجاع بلا كلام فاضي خخخ والله جد فاضي انا انرج فوق رجتي هع
شوي الين هالحصا(الحجر) من كل صوب (كني في مزدلفه اهب مايتفاهمون هذولا)مدري من وين يطلع علي منه وانواع الصياح راحت الشجاعه وراحت العلوم خخخخ
وادخل على ابوي وانا منمرج عقلي واقعد اناظر شوي ابي اشوف هو بيتنا او لا وهو يكلمني مارديت عليه
شوي مادريت الا هالكف اللي قام لذني صفير منه ( ماشاء الله عليك يايبه اثاريك قوي مثل ولدك اذني جلست يومين وهي تصفر )
وجلس يسألني وش فيك تكلم ياولد ترى بتوطى ببطنك وانا بالع ام العافيه
دوخة الكف + زائد هالحصاء اللي مدري من وين
وإلى هالحين ماعرفت من وين جاني هالحصا (الحجر) ؟؟؟؟؟؟؟؟؟
بس اللي أعرفه كف أبوي اللي جلست إذني تصفر منه يومين



تلخيص الحكم من هذه القصه:
(1)إذا لقيت بسه في طريقك حط رجلك
(2) إذا جاتك حصاه تمشي ميتين ووقعت بين رجليك إياني وإياك تسوي نفسك ذيب
بعد حط رجلك
(3) حاول إنك ماتدخل على أبوك وأنت منفعل علشان ماتقعد إذنك تصفر مثلي

واخيرا وليس اخرا انقلعوووووووووووووووو
ياليت يعجبكم موضوعي وبإنتظار أرائكم لأني اولا مره أطرح موضوع
تحياتي سبونج ولد بوب آل بوب